Un concerto de Milladoiro pechará os actos do Día das Letras Galegas en Cerdedo-Cotobade
Por Redacción
A Praza da Chan, en Carballedo, acollerá o vindeiro venres 17 de maio un concerto especial do grupo Milladoiro.
Será o acto de clausura dun Días das Letras Galegas cargado de actividades en memoria de Antón Fraguas, fillo predilecto do Concello de Cerdedo-Cotobade.
O espectáculo será de acceso gratuíto e comezará ás 22:00 horas nunha praza que contará cunha carpa de grandes dimensións para cubrirse no caso de que o clima non acompañe.
Está previsto que a formación de música tradicional interprete temas do seu último disco, 'Atlántico', ademais dalgunhas das súas cancións clásicas máis coñecidas.
O presidente municipal, Jorge Cubela, presentou o concerto en compañía de gran parte do goberno local e asegurou que será "un broche de ouro de moito nivel para este intensos cinco primeiros meses do ano ao redor da figura de Antonio Fraguas, que cremos que está a obter o recoñecemento e o agarimo que merece de parte de toda a sociedade galega".
Relacionadas:
-
Presentan un documental e un vídeoclip sobre a figura de Antonio Fraguas
Por Anxo Lourido |
-
Acto de homenaxe a Antonio Fraguas no IES de Cotobade
Por Oskar Viéitez |
-
A carballeira de Famelga en Cerdedo-Cotobade acollerá o pleno extraordinario da Real Academia Galega o 17 de maio
Por Redacción |
-
Chega a Cotobade "Amantes da Terra", o espectáculo que homenaxea a Antonio Fraguas
Por Redacción |