Os centros educativos de Barro, Cuntis, Moraña e Portas almorzan saudablemente
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Esta semana realizáronse Obradoiros de almorzos saudables nos centros educativos dos concellos de Barro, Cuntis, Moraña e Portas. Esta iniciativa forma parte do Proxecto de Prevención das Drogodependencias e outras condutas adictivas que levan adiante estes municipios en colaboración coa Dirección Xeral de Saúde Pública.
Estos obradoiros foron realizados co alumnado de 1º de educación primaria dos catro centros educativos dos concellos antes indicados. Realizando os mesmos como parte final do Programa Saúde na escola, pertencente a Carteira de Servizos do Plan Galicia sobre Drogas.
Con estas actividades preténdese fomentar no alumnado hábitos de alimentación saudable que contribuan á mellora da súa saúde e calidade de vida.
O obradoiro consisteu na degustación por parte dos nenos dun almorzo saudable, conformado por productos lácteos, cereais, proteínas e froita, os catro compoñentes esenciais dun bo almorzo.
Para a realización desta actividade contaron coa colaboración de varias empresas da contorna, concretamente colaboran coa doazón de productos lácteos e cereais as empresas Clesa, Celga e Panadería Cervela, mostrando deste xeito, a súa implicación e sensibilización no fomento de hábitos de alimentación saudables.