Educación licitará nas próximas semanas a construción do novo colexio de Vilalonga
Por Redacción
Ata 450 alumnos cursarán os seus estudos no novo CEIP do Revel, en Vilalonga. As previsións da Xunta é que este centro educativo estea operativo no curso 2020-2021. A súa construción, que vén de autorizar o goberno galego, conta cun orzamento de 5.139.980 euros.
Tras a tramitación administrativa do expediente de contratación, a Xunta agarda licitar as obras antes de que remate o mes de maio.
O novo colexio dará resposta ás necesidades de escolarización dunha zona na que o centro de referencia é o CEIP Cruceiro, moi antigo.
O centro albergará 18 aulas docentes (seis de infantil e doce de primaria), catro aulas de apoio educativo, aula de usos múltiples, biblioteca, aulas de informática e música, ximnasio e comedor, así como unha zona de administración que incluirá despacho do director, do xefe de estudos e de coordinación e orientación, secretaría e arquivos, sala de profesores, ANPA, aseos e conserxería. Así mesmo, contará cos servizos comúns correspondentes.
O edificio estruturarase en tres plantas, pequeno semisoto, planta baixa e primeira.
Na planta semisoto situaranse as zonas de instalacións e o ximnasio, mentres que a planta baixa albergará os accesos ao centro, a sala de comedor-usos múltiples, sala de profesores, administración, aulas de infantil e desdobre, así como a biblioteca, aula de informática e un gran patio central.
Na planta primeira estarán as aulas de primaria, a de música e a de orientación. Na zona sur na zona libre da parcela haberá unha pista polideportiva.
O centro contará con accesos independentes para o tráfico rodado e para o peonil, así como cun terceiro acceso para persoas con mobilidade reducida. Así mesmo, estará dotado de aparcadoiros.
O Concello de Sanxenxo xa puxo a disposición da Consellería de Educación, Universidade e Formación Profesional os terreos necesarios, que suman en total preto de 15.000 metros cadrados, a través dun convenio asinado o 22 de agosto de 2018.
Relacionadas:
-
Sanxenxo saca a licitación a parcela de O Revel na que se construirá un novo centro educativo
Por Redacción |
-
O novo CEIP de Vilalonga abrirá para o curso 2021/2022
Por Redacción |
-
Sanxenxo renovará o céspede artificial do campo de fútbol do Revel
Por Redacción |
-
Sanxenxo agradece coa Cebola de Ouro ao conselleiro de Cultura polo seu "papel fundamental" no novo colexio de Vilalonga
Por Redacción |
-
Solicitan licenza para a construción do novo colexio de Vilalonga
Por Redacción |
-
Sanxenxo expón o proxecto do novo colexio de Vilalonga
Por Oskar Viéitez |
-
Os veciños de Vilalonga coñecen os proxectos para a parroquia
Por Oskar Viéitez |
-
Xunta e Concello asinan o convenio de posta a disposición dos terreos do novo colexio de Vilalonga
Por Redacción |
-
Educación espera comezar a obra do novo colexio de Vilalonga no segundo trimestre de 2019
Por Oskar Viéitez |