O BNG leva ao Parlamento a cobertura de pediatría en Barro e Monte Porreiro
Por Redacción
O deputado do Bloque Nacionalista Galego, Luís Bará rexistrou unha proposición non de lei e preguntas parlamentarias para que o SERGAS cubra a vacante do servizo.
Nos vindeiros días está prevista a prexubilación do pediatra que atende os centros de saúde de Barro e Monte Porreiro, o que está a crear preocupación e alarma na poboación do concello e do barrio pontevedrés.
Luis Bará sinala que esta preocupación está xustificada pola carencia de pediatras para cubrir vacantes e baixas que xa se puxo de manifesto noutros centros de saúde. "Unha situación que ten a súa causa, por unha parte, na falta de previsión e planificación por parte do SERGAS, e , por outra, na redución de investimentos en atención primaria ao longo da última década".
O grupo parlamentario do BNG presenta unha proposición non de lei na que demanda que a Xunta de Galiza tome as medidas necesarias para garantir a cobertura da praza de pediatra nos centros de saúde de Barro e Monte Porreiro unha vez que se faga efectiva a xubilación do titular da mesma.
Relacionadas:
-
Barro pide unha reunión con Sanidade para coñecer os plans para o futuro centro de saúde
Por Redacción |
-
Monte Porreiro e Barro reclaman garantías de que os seus centros de saúde contarán co servizo de Pediatría
Por Redacción & Nacho Fuentes |
-
Escolares do colexio Marcos da Portela concéntranse para reclamar un pediatra en Monte Porreiro
Por Anxo Lourido |
-
O Sergas garante un pediatra para Monte Porreiro pero recoñece que aínda non ten substituto
Por Redacción |
-
Pontevedra esixe ao Sergas que cubra de xeito "inmediato" a praza de pediatra en Monte Porreiro
Por Alejandro Espiño |
-
Barro e Monte Porrreiro queren garantías na cobertura pediátrica
Por Redacción |