Dúas persoas feridas nun accidente de tráfico en Cambados
Por Redacción
Dúas persoas resultaron feridas nun accidente de tráfico rexistrado na estrada PO-300 que une Mosteiro e Cambados, á altura do polígono industrial de Sete Pías.
Segundo informaron desde Protección Civil de Cambados, un dos feridos foi trasladado polo 061 ata o Hospital do Salnés. Esta persoa de 62 anos presentaba dor cervical e dorsal.
O sinistro tivo lugar ás 8 da mañá deste venres.
Ata o lugar do sinistro acudiron efectivos da agrupación de Protección Civil de Cambados, a Garda Civil de Tráfico e as brigadas de mantemento de estradas.