Sanxenxo expón o proxecto do novo colexio de Vilalonga
Por Oskar Viéitez
A web do concello de Sanxenxo expón o proxecto do novo colexio de Vilalonga que contempla 18 aulas entre educación infantil e primaria.
Trátase da modificación do proxecto básico que inclúe as melloras nas que estivo traballando o goberno durante o último ano. Son melloras, por exemplo, como o espazo para a construción dun polideportivo con acceso independente e de uso mixto para os alumnos en horario escolar e tamén para os clubs deportivos polas tardes e fins de semana.
O colexio finalmente terá unha superficie de 4.631 metros cadrados entre as tres plantas e os soportais, que inclúe cada unha delas: soto de 1.310 metros cadrados, planta baixa de 2.274 metros cadrados e primeira planta de 1.038 metros cadrados.
Á superficie construída hai que engadir os 534 metros cadrados que se destinan ao aparcamento exterior incluído dentro do recinto e os 800 metros cadrados que ocupa a pista de fútbol.
A parcela destinada ao colexio ten unha superficie de 11.346 metros cadrados , da cal só se ocupará o 35% (3.943 metros cadrados) entre a instalacións exteriores e interiores do colexio. O 65% restante da parcela manterá o seu estado natural con arboledo autóctono e de ribeira.
Relacionadas:
-
Sanxenxo agradece coa Cebola de Ouro ao conselleiro de Cultura polo seu "papel fundamental" no novo colexio de Vilalonga
Por Redacción |
-
Solicitan licenza para a construción do novo colexio de Vilalonga
Por Redacción |
-
Educación licitará nas próximas semanas a construción do novo colexio de Vilalonga
Por Redacción |
-
Xunta e Concello asinan o convenio de posta a disposición dos terreos do novo colexio de Vilalonga
Por Redacción |