Jesús Rey relevará a Pablo Fernández á fronte de AJE Pontevedra
Por Redacción
O actual presidente en funcións da Asociación de Jóvenes Empresarios de Pontevedra, Jesús Rey Rodríguez, seguirá á fronte deste colectivo empresarial. A súa foi a única candidatura presentada para liderar a asociación durante os próximos anos.
Rey forma parte do Grupo J. Rey Asesores. Ten 36 anos e é natural de Caldas de Reis, aínda que actualmente reside en Meis.
Leva case dous meses exercendo como presidente de AJE Pontevedra, cubrindo a vacante que deixou o anterior presidente, Pablo Fernández, que decidiu regresar á política local co PP de Rafa Domínguez.
A candidatura presentada por Jesús Rey cumpriu con todos os requisitos esixidos e superou amplamente os avais necesarios dos socios para a súa presentación.
A asemblea xeral electoral de AJE Pontevedra que ratificará este nomeamento celebrarase o venres 12 de xullo na súa sede da rúa dos Ferreiros.