O viario das praias pasa a ser de sentido único co inicio da tempada de verán
Por Redacción
A tempada de verán está a piques de comezar en Marín e o Concello empeza a habilitar o dispositivo propio das datas.
A primeira decisión é a limitación do viario das praias a un só sentido de circulación rodada. Esta medida entrará en vigor o vindeiro sábado 15 de xuño e permanecerá activa durante tres meses, ata o 15 de setembro.
En concreto, establécese o sentido único de circulación desde Portocelo a Gago de Mendoza. Ademais habilítase sentido único desde a PO-551 (quilómetro 2,900) ata o viario de praias excepto para residentes e prohíbese o acceso (salvo residentes) desde o vial de praias ao Camiño Morquena.
A medida, idéntica á de anos anteriores, busca unha maior fluidez e seguridade no tráfico viario.