Educación viaria e medioambiental nos colexios de Portonovo e A Florida
Por Redacción
O alcalde de Sanxenxo, Telmo Martín, e a concelleira de Educación, Paz Lago, visitaron este xoves o CEIP A Florida e o CEIP Portonovo.
No CEIP A Florida participaron na inauguración do circuíto de educación viaria, deseñado polo PoliPaco, co que o alumnado de Educación Infantil e Primaria aprenderán xogando.
O obxectivo é empoderar aos máis pequenos cos coñecementos e habilidades necesarias para evitar circunstancias de risco e guiarse por un comportamento cívico.
O alumnado do CEIP Portonovo presentou o seu proxecto anual sobre as dunas de Baltar, chamado "Voces de area". O propósito do proxecto é concienciar a maiores e pequenos sobre o coidado e a protección das dunas, en especial das dunas de Baltar.