A Deputación repara as fachadas do Centro Agarimo e do Centro de Educación Especial en Príncipe Felipe
Por Redacción
O Centro Príncipe Felipe segue avanzando na modernización e acondicionamento das súas infraestruturas coa rehabilitación da fachada do edificio que acolle o Centro de Educación Especial e o Centro Infanto-Xuvenil Agarimo.
A xunta do goberno provincial vén de aprobar na súa última sesión o expediente de contratación das obras para reparar as fachadas de ambos centros por un importe dun millón de euros e un prazo de nove meses.
A aprobación deste expediente de contratación dá continuidade á folla de ruta marcada durante o presente mandato pola deputada delegada do centro Príncipe Felipe, Eva Vilaverde, para modernizar as instalacións.
A deputada nacionalista considera que unha vez acometidas estas dúas obras a fisonomía de Príncipe Felipe "será completamente diferente"
A reforma e rehabilitación das fachadas de ambos centros contempla o seu reforzo estrutural, coa reparación de linteis e a substitución das carpinterías das fachadas co fin de acadar niveis óptimos de confort e habitabilidade no edificio.
Relacionadas:
-
Adxudicadas obras no Príncipe Felipe por 822.000 euros
Por Redacción |
-
Máis dun millón de euros para reformar o Príncipe Felipe, á espera dun traspaso á Xunta
Por Anxo Lourido & Redacción |
-
A Deputación renovará a fachada e a cuberta do auditorio Príncipe Felipe
Por Redacción |
-
Máis de 415.000 euros para mellorar e modernizar a entrada ao Centro Príncipe Felipe en Montecelo
Por Mónica Patxot & Anxo Lourido |
-
A Deputación inicia a renovación da cuberta do patio de xogos do CEIP Príncipe Felipe
Por Redacción |
-
A Deputación tende a man á Xunta para mellorar o colexio Príncipe Felipe
Por Redacción |