O Centro de Interpretación dos Petroglifos de Mogor é de bandeira
Por Redacción
A franxa costeira marinense segue acumulando distintivos. Ademais das bandeiras azuis que ondean nas súas praias e os carreiros distinguidos co mesmo galardón, o municipio suma agora un novo diploma para o Centro de Interpretación dos petróglifos de Mogor que entrega Adeac, o mesmo organismo que concede as bandeiras azuis.
O edificio, que se atopa aos pés do xacemento e nos aledaños do acceso do areal da localidade, permanece aberto todos os días da semana en horario de mañá e tarde salvo os luns, que pecha por descanso do persoal. No seu interior, os visitantes poden decatarse da historia dos petróglifos e o seu significado. Así mesmo, os técnicos da oficina organizan dúas excursións diarias, gratuítas e de media hora de duración, ao xacemento.
O venres, ás 22:30 horas, está prevista a realización da primeira visita guiada nocturna da tempada á que os interesados poden acudirde forma libre sen necesidade de inscribirse previamente.
Relacionadas:
-
Francia pon os seus ollos nos petróglifos de Mogor
Por Redacción |
-
O Centro de Interpretación de Petróglifos de Mogor abrirá en Semana Santa
Por Redacción |
-
O Centro de Interpretación de Petróglifos de Mogor retomará a súa actividade o 13 de xuño
Por Redacción |
-
Última oportunidade para participar nas visitas nocturnas guiadas aos petróglifos
Por Almu Dapena |
-
A guía de viaxes francesa "Petite Futé" recomenda visitar os Petróglifos de Mogor
Por Redacción |