De luns a xoves, as tardes viviranse con música e animación co Animatrón do parque das Palmeiras
Por Redacción
O Parque das Palmeiras acolle dende este luns 15 de xullo unha das citas infantís das festas do verán: o espazo Animatrón, que inclúe actividades de animación, actuacións de música e monicreques e obradoiros temáticos para os máis pequenos da familia.
Animatrón prolongarase durante toda a semana, ata o xoves 18 de xullo en horario de tarde. De luns a xoves de 18.00 a 21.00 horas haberá unha completa programación infantil.
A participación é aberta e de balde e ten como obxectivo contribuír a ofrecer actividades para todos os públicos, neste caso para os máis pequenos.
No apartado de animación haberá inchables, obradoiros de maquillaxe e tatuaxes, zancudos, pallasos, motociclistas e a ludoteca 'Constrúe a túa nova cidade'.
A programación musical incluirá actuacións do Home Orquestra e espectáculos a cargo de Títeres Taravellos e Mago Noel. Ademais, Rivel proporá para os nenos xogos musicais.
Cada día da semana haberá un obradoiro temáticos distinto e os nenos poderán explorar o mundo indio, o tempo ou o universo do globo.
Consulta aquí o programa completo das Festas de Verán de Pontevedra.
Relacionadas:
-
Animatrón énchese de actividades para escolares
Por Redacción |
-
Pontevedra, preparada para tres meses de festa "intensiva"
Por Alejandro Espiño |
-
Chegou o Animatrón ao parque das Palmeiras
Por Mónica Patxot & Redacción |
-
O Animatrón enche o parque das Palmeiras de nenos con ganas de festa
Por Redacción & Cristina Saiz |