A praia fluvial do Verdugo, areal sen fume
Por Redacción
A praia fluvial do río Verdugo da Lama sumouse este martes de forma oficial á 'Rede Galega de Praias sen Fume' impulsada pola Consellería de Sanidade para concienciar ao público sobre a erradicación do tabaquismo en lugares de lecer.
O alcalde da Lama, Jorge Canda, e os concelleiros David Carrera e Daniel Vidal colocaron este martes a bandeira e os distintivos a través dos cales o areal se declara libre de fume.
Ademais, con motivo do acto, aproveitou para anunciar que as analíticas da Consellería de Sanidade sobre o estado de salubridade e estado da auga para o baño da praia fluvial do río Verdugo deron como resultado que ten unha "calidade excelente".
Estas análises certifican a idoneidade e excelencia destas augas para a práctica do baño.
O alcalde confía que tanto a nova bandeira como as análises sexan un reclamo de turismo de calidade e salubridade e insiste no compromiso do Concello da Lama con campañas que impliquen a participación activa da sociedade para sensibilizar á poboación ante comportamentos de risco para a saúde e malos hábitos para a mocidade como o consumo de tabaco e con iniciativas que implican protexer espazos naturais da presenza indiscriminada de cabichas que afean e atentan contra o medio ambiente.
A Rede Galega de Praias sen Fume conta na actualidade con 141 praias de 64 concellos adheridas.
Relacionadas:
-
Limpeza e roza na contorna da praia fluvial da Lama de cara á tempada estival
Por Redacción |
-
Sanidade acredita que todas as praias de Vilaboa están libres de fume do tabaco
Por Redacción |
-
A Lama quere refrescarse cun 'Verán Cultural'
Por Redacción |
-
Un paseo en piragua polo Verdugo para combater a calor
Por Redacción |
-
A Lama quere a bandeira azul para a súa praia fluvial
Por Redacción |
-
A Lama mellora os accesos á praia fluvial do Verdugo
Por Redacción |
-
Se te achegas este luns á praia fluvial, terás un paseo gratis en piragua polo Verdugo
Por Redacción |