Así xogan os golfiños no río Lérez
Por Redacción
Creada e actualizada
Creada e actualizada
Un grupo de golfiños mulares remontaba na tarde deste xoves o río Lerez e chegaron a ser vistos desde a Illa das Esculturas, moi cerca da praia fluvial do río que atravesa a cidade.
Os animais ofreceron diversos saltos nesta zona chamando a atención das persoas que circulaban por ese punto da cidade. Non é a primeira vez que se detectan estes exemplares en augas do Lérez.
Os golfiños mulares ou arroaces son facilmente visibles na ría de Pontevedra nesta época de bo tempo movéndose en grupos á procura de alimento.
Son mamíferos que contan cunha dieta variada de diversas especies como pescadas, polbos, luras e gambas, entre outros. É frecuente velos nadar nas proximidades dos barcos de pesca porque esperan restos das capturas. Poden alcanzar velocidades de ata 50 km/hora.