Os bombeiros apagan un incendio orixinado nun transformador eléctrico
Por Diego Torrado & Redacción
Bombeiros do Parque de Pontevedra tiveron que se desprazar durante primeiras horas da tarde ata Bora para apagar o incendio que se orixinara nun transformador de corrente eléctrica situado nesa parroquia.
Precisamente, ao longo da mañá deste sábado 27, numerosos usuarios da contorna da parroquia de Mourente e da urbanización de Monte Porreiro trasladaban as súas queixas polos problemas que detectaban na subministración de corrente eléctrica.
Segundo os primeiros indicios, o lume orixinouse de maneira accidental ao non detectarse circunstancia algunha que faga pensar nun acto de sabotaxe.