VÍDEO.- Monte Porreiro di adeus ás malas herbas
Por Almu Dapena
Un equipo de tres operarios da Concellería de Parques e Xardín eliminou, durante a mañá deste venres, os cañotos que sobresaían das árbores na rúa Grecia en Monte Porreiro.
O traballo de saneamento incluíu a limpeza dunha parcela de 500 metros cadrados e a retirada de cañotos "mediante unha fresadora de tocóns con coitelas de vidia, un composto de alta dureza que permite fresa-los tocóns", explicou o edil de Desevolvemento Sostible e Medio Rural, Iván Puentes.
Así mesmo, tal e como avanzou o concelleiro, durante as próximas semanas procederase á póda de árbores e xardíns do centro asociado á UNED e realizaranse traballos de roza en varias zonas verdes situadas no contorno das rúas Dinamarca e Holanda, no paseo do Miradoiro, e na avenida de Buenos Aires. "Por motivos de seguridade e conservación, tamén se executará a poda dalgunhas acacias perigosas coa axuda dunha grúa e de maquinaria pesada para controlar a caída das polas", matizou Puentes.
Esta limpeza supoñerá un investimento de 10.000 euros en Monte Porreiro, a través da cal se pretende limpar as parcelas en mal estado e "mellorar a seguridade fronte ao perigo dous incendios", concluíu.
Como novidade para as festas da Peregrina deste ano, o Concello levou a cabo a colocación duns valos ao redor dos xardíns da Praza de España para protexelos dos posibles danos que se poidan ocasionar durante a xornada festiva.
Relacionadas:
-
A concellería de Medio Natural proxecta unha faixa de protección contra incendios en Monte Porreiro
Por Redacción |
-
Queixas pola invasión de maleza nas beirarrúas de Monte Porreiro
Por Redacción |
-
O Concello acepta cofinanciar as liñas de autobús de Montecelo, Monte Porreiro, Alba e Lérez
Por Oskar Viéitez |
-
Proxectan unha nova zona de lecer axardinada nunha parcela de Mollavao
Por Redacción |