Cinco detidos nunha operación antidroga da Garda Civil no Salnés
Por Natalia Puga
O Equipo contra o Crime Organizado (ECO) Galicia da Garda Civil está a desenvolver este luns unha operación contra o tráfico de drogas na comarca do Salnés que suma, ata o momento, cinco persoas detidas en distintos puntos.
O operativo conta co apoio da Unidade de Seguridade Cidadá da Comandancia (USECIC) de Pontevedra, que deu soporte aos investigadores de ECO durante os rexistros realizados durante a mañá en distintas localidades da comarca. Segundo puido saber PontevedraViva, realizáronse tres rexistros en distintos puntos entre eles, Cambados e Vilagarcía de Arousa.
En Vilagarcía de Arousa, axentes da Garda Civil entraron a media mañá no coñecido como edificio Lara, na rúa Edelmiro Trillo. Polo menos á súa saída, acompañáballes unha persoa detida.
Segundo confirmaron fontes da investigación, este operativo de ECO Gailcia -unidade dependente da Unidade Central Operativa ( UCO) Central- é en realidade unha continuación doutro realizado no pasado. Trataríase de flocos pendentes dunha investigación anterior, aínda que non transcendeu de cal .
A operación continúa aberta.
Relacionadas:
-
Loita contra o narcotráfico: un ano de investigación que deixou un balance de dez detidos
Por Natalia Puga |
-
O novo coronel da Garda Civil, partidario de estender a loita contra os incendios máis aló da campaña de verán
Por Natalia Puga & Mónica Patxot |
-
Deteñen dous veciños de Bueu que agocharon 1,5 quilos de haxix nun noiro ao encontrar un control de Tráfico
Por Redacción |
-
Pazo Baión, Vista Real, Casa Jaureguízar... De símbolo do poder dos 'narcos' a estar ao servizo do pobo
Por Natalia Puga & Mónica Patxot |