Sufocan o enésimo incendio en Rosalía de Castro co mesmo autor
Por Oskar Viéitez & Diego Torrado
Ás 13.05 horas deste sábado rexistrábase un incendio na rúa Rosalía de Castro, nun solar contiguo ao aparcamento disuasorio de Mollabao. Non se produciron danos persoais.
Os bombeiros de Pontevedra sufocaron o lume nun vello furgón de camión que un indixente utiliza como vivenda.
Este remolque atópase pegado a un cañaveral e está rodeado dunha entulleira ilegal no que se acumulan mobles, electrodomésticos e todo tipo de aveños. Unha circunstancia que complicou os labores de extinción do lume.
As chamas provocaron unha negra fumareda que xerou unha gran alarma entre os feirantes que están acampados coas súas caravanas no aparcamento de Mollabao con motivo das Festas da Peregrina. Este fume era visible desde distintos puntos da cidade.
A Policía Local puido comprobar que o causante do lume é un vello coñecido na cidade ao ser o responsable doutros moitos incendios nesta mesma rúa Rosalía de Castro, onde estivo a ocupar un dos arcos da ponte do río Gafos e outros solares, nos que tamén orixinou sucesivos lumes.
Nesta ocasión explicou que o lume se lle descontroló cando preparaba a comida.
Relacionadas:
-
Aumenta a deterioración do solar de Mollavao utilizado como entulleira descontrolada
Por Redacción |
-
Os Bombeiros sufocan un conato de incendio nunha nave abandonada en Mollabao
Por Diego Espiño & Diego Torrado |
-
Os bombeiros sufocan un incendio nun descampado de Mollabao
Por Redacción |
-
Investigan se os tres incendios en propiedades abandonadas do venres foron intencionados
Por Natalia Puga |
-
Detido un indixente polo incendio debaixo da ponte de Rosalía de Castro
Por Natalia Puga |
-
VIDEO.- Alerta veciñal en Rosalía de Castro por un novo incendio nos refuxios de indixentes
Por Oskar Viéitez |
-
Susto polo fume provocado por unhas brasas baixo a ponte de Rosalía de Castro
Por Redacción & Diego Torrado |
-
Un incendio calcina unha chabola na rúa Rosalía de Castro
Por Redacción |