As obras de Acuanorte provocan os primeiros atascos no vial das praias
Por Oskar Viéitez
Os condutores que circulan pola saturada PO-308 que comunica Pontevedra, con Poio e Sanxenxo por la costa, tiveron que soportar este xoves un importante atascos que se formou como consecuencia das obras que está a realizar Acuanorte.
Segundo explicou o alcalde de Poio, Luciano Sobral, este venres a empresa adxudicataria rematou a gabia que cortou un carril ao tráfico na parroquia de Raxó, polo que se prevée que ao longo do día a circulación quede normalizada neste punto.
De todolos xeitos a empresa xa pintou a sinalización de obra ao longo de todo o viario indicando os seguintes puntos nos que vai traballar. O seguinte tramo de actuación será o comprendido entre o atrio de San Salvador e A Barca. "As obras comezarán en Porteliña e iranse realizando cara ó límite con Pontevedra".
Os traballos levarán a cabo ao longo da beiravía (pola marxe dereita en dirección á Barca), polo que, mentres duren, prohibirase aparcar nos tramos afectados.
O desenrolo dos traballos pode precisar de novos cortes parciais do carril de tráfico.
Acuanorte ten previsto substituír toda a tubaxe de auga en alta, desde o límite con Pontevedra ata o límite con Sanxenxo, polo que realizará perforacións cada certos metros e por eses buratos inxectará os tubos, que se irán colocando uns por dentro dous outros e logo expandíndose ata quedar axustados, explicou o rexedor.