3, 2, 1... Ponte Caldelas está en festas!
Por Redacción
As Festas das Dores de Ponte Caldelas xa están aquí. Comezan este venres 23 de agosto cun sinfín de actividades para todos os públicos e para todos os gustos que se prolongarán ata o 29 de agosto.
O alcalde, Andrés Díaz, destacou que o obxectivo é facer unhas festas "para o desfrute do noso pobo", de reencontro, de diversión, seguras, en igualdade e "que estean á altura da mellor veciñanza do mundo, a de Ponte Caldelas".
Este venres todo empeza co 'Caldelas Xoven' a partir das 23.00 horas na Alameda, que contará coa actuación de Famous (gañador de Operación Triunfo 2018), Ricky Merino (Operación Triunfo 2017), David Lafuente e Brokkt.
O sábado arrancará a xornada con pasarrúas dende media mañá e pola tarde será a quenda do Festival Folcrórico Internacional ás 20.30 na Alameda. Participarán Os Coribantes xunto co grupo folcrórico 'Chispa' de Plasencia e o Rancho Folcrórico Campanha de Oporto. En total, máis de 150 artistas daranse cita neste evento.
Xa ás 23.00horas chegará un dos momentos máis agardados, a verbena na Alameda, que contará coa orquestra Superfama e o grupo América, que deleitarán aos asistentes coas súas versións dos clásicos do rock.
O domingo a música chegará da man dunha das orquestras de máis prestixio da xeografía galega, Olympus. Será a partir das 22.30 horas.
O luns haberá pasarrúas e o concerto da Banda de Música. Ás 21.00 terá lugar o Festival 'Son de Ponte Caldelas' na Alameda coa participación dos diferentes grupos musicais do municipio. A verbena, que comezará ás 00:00 estará amenizada pola orquestra Ibiza Band e varios DJ´s.
O martes, 28 de agosto, é un dos días con máis tradición nesta Festa das Dores de Ponte Caldelas, un día que ven completo de actividades con pasarrúas, concerto da Banda de Redondela e ás 20.00 horas a misa solemne na honra de San Roque, unha misa que será cantada pola Coral Valdarrosa. A continuación, chegará a procesión, acompañada pola Banda de Gaitas Os Coribantes e pola Banda de Guerra da Brilat.
O día rematará cunha verbena entre as 23.00 horas e as 8.00 da mañá. Estará a cargo do Combo Dominicano e as orquestras La Oca Band e Nevada Band.
O mércores 29 pequenos e mozos poderán desfrutar do Día do Neno coa atraccións infantís das festas a prezo reducido.
Relacionadas:
-
As Festas das Dores, as máis participativas da historia de Ponte Caldelas
Por Redacción |
-
Nove horas de verbena co Combo Dominicano poñen fin ás Festas das Dores de Ponte Caldelas
Por Redacción |
-
Cheo na Alameda de Ponte Caldelas para a Red Tour da orquestra Olympus
Por Redacción |
-
Os 'triunfitos' Famous e Ricky Merino tamén triunfan en Ponte Caldelas
Por Redacción |
-
Ponte Caldelas pon en marcha o Plan de Autoprotección para as festas das Dores
Por Almu Dapena |
-
Famous e Ricky actuarán nas festas de Ponte Caldelas
Por Almu Dapena |