Sanxenxo amplía a duración da Feira da Cebola sen medo a repetirse
Por Redacción
O próximo 3, 4 e 5 de setembro Sanxenxo celebrará Santa Rosalía. A segunda parte das súas festas patronais chega cun variado programa organizado pola Concellaría de Cultura que inclúe novidades na Feira da Cebola que medra en duración, xa que para o día previo á exposición e venda deste produto, organizáronse concertos e actividades relacionadas.
Así, o martes 3, previo ao día da Feira da Cebola, celebrarase ás 12.00 horas na Praza de Pascual Veiga unha degustación gastronómica na que o ingrediente estrela será a cebola. Estará amenizada por un grupo de jazz.
Ás 21.00 horas a banda de música de Sanxenxo actuará neste mesmo escenario e tamén haberá "Concertos da cebola" no Paseo de Silgar ás 21.30 horas, no Paseo dos Barcos ás 22.30 horas e na Praza de Portugal ás 23.30 horas.
O día grande, o 4 de setembro, día de Santa Rosalía, terá lugar a edición número 37 da Feira da cebola con cambios na decoración e no escenario grazas á colaboración da Dirección Xeral de Gandaría, Agricultura e Industria Agroalimentaria.
Máis de 60 postos de vendedores locais, nos que se poderá adquirir este produto, estarán instalados no recinto portuario. Ás 12.45 horas será o acto de entrega dos premios e das Cebolas de Ouro.
Ademais, a programación festiva complétana os pasacalles a cargo da Asociación Folclórica Abiñadoira e Banda de Música de Sanxenxo. E polas noites as orquestras A Oca Band, Olympus, Palladium e Finisterre poñerán o broche final a estas xornadas festivas.
Relacionadas:
-
Sanxenxo celebrará as súas festas patronais con medidas para evitar aglomeracións
Por Redacción |
-
Sanxenxo reparte 52.700 euros entre as comisións para organizar festas parroquiais
Por Redacción |
-
A navalla, protagonista da fin de semana en Lourido
Por Redacción |
-
Os turistas de Sanxenxo dan conta de 600 quilos de sardiñas de balde
Por Redacción |
-
Inspeccionan a montaxe e funcionamento das atraccións das festas de Sanxenxo
Por Redacción |
-
María del Carmen Vilavedra "Nenucha", premiada coa Cebola de Ouro
Por Redacción |
-
Sanxenxo suma a dous novos cabezudos
Por Redacción |