O Concello de Marín anima á cidadanía ser familia acolledora de 'Vacacións en paz'
Por Redacción
No marco do programa 'Vacacións en paz', organizado pola Coordinadora Estatal de Asociacións Solidarias co Sahara (CEAS Sahara), este ano viñeron a España uns 4.300 nenos saharauís.
Fatimetu Suelim Brahim é a única nena do campamento de refuxiados que pasa a tempada estival no municipio de Marín. Faino por terceiro ano grazas a esta iniciativa promovida pola asociación Solidariedade Galega co Pobo Saharauí.
Este martes a alcaldesa, María Ramallo, e a concelleira Marián Sanmartín, recibírona xunto á súa familia de acollida. Na recepción, tamén estivo outro neno que está cunha familia de Moaña, e ambos recibiron uns recordos da vila.
Fatimetu explicou que lle gustaría chegar a estudar Enfermería para poder ir ao campamento no que vive coa súa familia en Alxeria e axudar ás persoas que alí están.
Desde o Concello de Marín animaron á cidadanía a que respondan á chamada da solidariedade e que se fagan familias acolledoras. Aquelas persoas que estean interesadas poden poñerse en contacto coa asociación Solidariedade Galega co Pobo Saharauí, SOGAPS, no teléfono 986 26 26 37.
Relacionadas:
-
As familias galegas volven acoller menores saharauis despois de dous anos de pandemia
Por Redacción |
-
"Lo que más me gusta de las vacaciones es la lluvia"
Por Oskar Viéitez & Mónica Patxot |
-
Bucharaya Hamudi, ex primeiro ministro da República Árabe Saharaui Democrática, pechará a Semana Galega de Filosofía
Por Olaya Madrigal |