A rehabilitación integral do IES Illa de Tambo implica un investimento de máis dun millón de euros
Por Redacción
Carmen Pomar, concelleira de Educación, Universidade e Formación Profesional, visitou durante a mañá deste mércores o IES Illa de Tambo de Marín con motivo das obras de rehabilitación integral que se están realizando nel.
Durante a visita, a concelleira destacou as accciones que inclúe o plan de mellora do instituto. Por unha banda, para mellorar a eficiencia enerxética estase illando a fachada, renovando o illamento das cubertas no edificio administrativo e no aulario, e revestíndose o interior das fachadas e da cuberta do ximnasio.
Tamén estanse cambiando as xanelas, intalándose novas persianas con illamento, renovándose a iluminación con equipos de alta eficiencia enerxética e instalándose unha nova sala de caldeiras de biomasa.
Con respecto ás melloras funcionais, estanse sustituíndo os falsos teitos en mal estado, limpiando e pintando os pavimentos interiores e mellorando as instalacións de electricidade. Así mesmo, estase construíndo unha rampla de acceso ao ximnasio para mellorar a accesibilidade.
A actuación, que forma parte do Plan de Dotación de Infraestruturas Educativas da Xunta de Galicia, supón un investimento de máis dun millón de euros e un aforro do 72,60% no consumo de enerxía primaria non renovable e do 80,20% en emisións de CO2.
Relacionadas:
-
O BNG pide garantías á Xunta para que o IES Illa de Tambo comece o curso con normalidade
Por Redacción |
-
O Concello de Marín retira as madeiras en mal estado da Finca de Briz
Por Redacción |
-
Reclaman a retirada dos contedores da Autoridade Portuaria de Marín polo seu negativo impacto visual
Por Redacción |
-
O Concello de Marín prioriza o arranxo da Rúa do Tombo
Por Almu Dapena |