O PP esixe unha mellora "inmediata" da recollida de lixo na cidade
Por Alejandro Espiño
Pontevedra está a dar unha imaxe "deplorable", segundo o Partido Popular, pola "pésima gestión" do goberno municipal en materia de recollida de lixos. Por iso, a edil Pepa Pardo reclamou este xoves que se produza unha reunión entre o Concello e a empresa que xestiona este servizo para abordar unha mellora "inmediata".
"Tenemos un gobierno local desaparecido, que no da noticias y tampoco da explicaciones", recalcou Pardo, que se preguntou que ten que pasar para que o alcalde, o portavoz do PSOE ou concelleiro encargado da área de limpeza dean explicacións sobre esta cuestión.
Os populares, entre outras medidas, solicitan que o servizo de recollida de lixos se reforce con contedores limpos, baleiros e sen romper e con horarios racionais que non prexudiquen a hostaleiros e comerciantes.
A este respecto, Pepa Pardo avanzou que o PP presentará unha moción ao próximo pleno municipal porque "es bueno que los pontevedreses conozcan por qué está pasando lo que está pasando".
A orixe deste problema, engadiu a concelleira popular, está no "deteriorado" contrato coa empresa Ferrovial Servizos que, ao seu xuízo, "está caducado e se ha quedado viejo" e, ademais, non se axusta ás características da Pontevedra actual.
Para Pepa Pardo a causa das prórrogas, especialmente das últimas, é a compostaxe. Na posta en marcha deste sistema, denunciou, o goberno municipal "no ha parado de dar bandazos y aún no tiene claro qué es lo que quiere hacer".
Relacionadas:
-
Rafa Domínguez pedirá no pleno que o Concello se tome en serio a recollida de lixo na cidade
Por Cristina Saiz & Anxo Lourido |
-
Prometen unha "reflexión profunda" ante as denuncias pola falta de limpeza do centro histórico
Por Alejandro Espiño |
-
CCU Zona Monumental reclama a limpeza do centro histórico ante unha suciedade "insoportable"
Por Redacción |
-
No PP local afirman que non deixan de chegarlles "denuncias sobre a presenza de ratas" na cidade
Por Redacción |