Reclaman a retirada dos contedores da Autoridade Portuaria de Marín polo seu negativo impacto visual
Por Redacción
A Xunta de Goberno do Concello de Marín aprobou recentemente un acordo co que se pretende mellorar medioambientalmente a contorna e crear zonas de diversión e lecer para recuperar un espazo dotado dun "gran valor paisaxístico", facendo unha integración do centro urbano co mar.
Segundo a concelleira do Bloque Nacionalista Galego, Lucía Santos Omil, esa intención de mellora non queda completa xa que o espazo para acceder á zona do mar limítase ao paseo Alcalde Blanco, para o cal hai que cruzar primeiro por unha estrada de gran densidade de circulación e un aparcamento cheo de vehículos.
É por iso, que a nacionalista reclama actuar e mellorar esa zona para facela máis transitable para as persoas.
Así mesmo, esixe ao Concello de Marín que inste á Autoridade Portuaria á retirada dos contedores situados dentro desa zona, xa que afectan negativamente á calidade paisaxística desde a vila e son unha barreira visual desde calquera punto da Alameda Rosalía de Castro e da Praza de España.
Relacionadas:
-
O Porto de Marín experimenta "unha evolución positiva" en tráfico de pesca conxelada
Por Redacción |
-
O Porto de Marín renovará a cuberta da lonxa e os pavimentos en diferentes zonas
Por Redacción |
-
O Concello de Marín retira as madeiras en mal estado da Finca de Briz
Por Redacción |
-
A rehabilitación integral do IES Illa de Tambo implica un investimento de máis dun millón de euros
Por Redacción |
-
O Concello de Marín prioriza o arranxo da Rúa do Tombo
Por Almu Dapena |