Torneo medieval da Feira Franca 2019 na praza de touros

Miles de persoas gozan na praza de touros do emocionante torneo medieval

Por Redacción & Diego Torrado
Sábado 7 de Setembro, 2019 ás 22:10 do Sábado 7 de Setembro, 2019

Torneo medieval da Feira Franca 2019 na praza de touros
© Diego Torrado

O torneo medieval que, como é habitual, celébrase na praza de touros volveu a ser un dos grandes atractivos da Feira Franca de Pontevedra. Miles de persoas encheron as bancadas do coso de San Roque para gozar deste espectáculo de animación.

Organizado por Hípica Celta, foron dúas as sesións nas que os participantes na Feira Franca puideron asistir a este combate entre cabaleiros que, a lombos dos seus respectivos corceis, fixeron as delicias o público.

Este espectáculo recreou as coñecidas batallas e duelos que os cabaleiros de brillante armadura protagonizaban na Idade Media. Pequenos e maiores aplaudiron as acrobacias dos especialistas, que demostraron a súa destreza dacabalo.

A entrada para o torneo medieval foi gratuíta ata completar aforo e, de novo, rexistráronse longas colas para poder entrar na praza de touros.