Os cachorros encontrados nun contedor de Cuntis evolucionan favorablemente no CAAN grazas a Rula
Por Almu Dapena
Esta semana, unha nai e o seu fillo atoparon dúas cadelas de dous días dentro dun contedor a piques de morrer de asfixia.
Unha vez sacadas do contedor, foron levadas ao Centro de Acollida e Protección de Animais (CAAM), onde se encargaron de acollelas.
As crías, de cor negra e mestizas, foron bautizadas no centro como Ánxela e Mara e estanse recuperando coa axuda de Rula, outra cadela do centro que as adoptou e estaas coidando.
O persoal do CAAN destacou que Rula está a aceptar moi ben ás crías, que van evolucionando favorablemente mentres se lles complementa a alimentación con biberóns. Se a recuperación dos cachorros vai para adiante, o centro esperará a que cumpran 45 días para vacinalos e logo ofrecelos en adopción.
Desde que o centro púxose en marcha en abril de 2013, superaron o 9 mil intervencións feitas nos 48 concellos da provincia que están adheridos a este servizo da Deputación, cunha poboación beneficiada de 400 mil persoas. Preto de 400 animais atópanse actualmente no centro e, no que vai de 2019, recolléronse 563.
É por iso, que desde a Deputación critican este tipo de episodios e poñerá en marcha nas próximas semanas unha nova campaña contra o abandono e a prol das adopcións.
Así mesmo, o goberno de Carmela Silva aprobou a principios do mes de setembro a adxudicación do contrato para a posta en marcha de novas actuacións de mellora do CAAN de Meis por valor de máis de 280 mil euros. Tal e como explicou a presidenta da Deputación, o proxecto abarca unha nova zona de maternidade, outra de emparellamento, a remodelación da zona de corentena e hospitalización e a mellora do espazo da clínica.
Relacionadas:
-
Rexístranse máis de tres abandonos de cans a diario na provincia
Por Redacción |
-
O centro de acollida animal da Armenteira leva recollidos 994 cans neste 2019
Por Redacción |
-
Atopan dúas cadelas recentemente nadas dentro dun contedor
Por Almu Dapena |
-
Os animalistas apostan por pequenos centros de acollida de xestión pública fronte á "macrocanceira" da Deputación
Por Oskar Viéitez |
-
A Deputación remodelará as instalacións do centro de acollida de animais de Armenteira
Por Oskar Viéitez |
-
Abandono en Pontevedra: atopan un hamster dentro dunha caixa no paseo de A Xunqueira
Por Almu Dapena |