Chan da Barcia estreará o seu novo céspede artificial en tres semanas
Por Redacción
Algo máis de 156.000 euros está a investir o Concello de Ponte Caldelas nos traballos para renovar o céspede artificial do campo de fútbol de Chan da Barcia. As obras, que executa a empresa Mecano Sport, estarán finalizadas nun tempo máximo de 20 días.
O actual céspede instalárase hai trece anos e tiña esgotada a súa vida útil. Era unha primeira xeración deste tipo de material que, ademais, deteriorouse aceleradamente pola falta dun mantemento adecuado.
A nova superficie de xogo do campo de fútbol terá unha vida útil de 20 anos ao estar confeccionada cos últimos adiantos tecnolóxicos e céspede homologado.
Ademais, para garantir a súa durabilidade será sometida a un plan de tratamento, con limpezas periódicas e un tratamento integral anual.
As obras consisten na colocación dos 6.720 metros cadrados da nova alfombra, previa aplicación dunhas 40 toneladas de area de sílice e, finalmente, o reparto doutras 30 toneladas de caucho.
A herba terá unha altura de entre 40 e 65 milímetros e a base elástica sobre a que se instalará terá un mínimo doutros 10 milímetros.
Relacionadas:
-
O fútbol regresa a Chan da Barcia tras a renovación do seu céspede
Por Redacción |
-
O Concello incrementará a subvención á SCD Ponte Caldelas se o primeiro equipo ascende
Por Redacción |
-
Ponte Caldelas ofrecerá cursos gratuítos de informática para os seus veciños
Por Redacción |
-
Comeza a colocación do novo céspede artificial do campo de Chan da Barcia
Por Redacción |
-
Adxudicado o novo céspede artificial do campo de fútbol e a pista de pádel de Chan da Barcia
Por Redacción |
-
Dúas empresas compiten polas obras de renovación do céspede do campo de fútbol de Chan da Barcia
Por Redacción |