Cuntis, epicentro dun terremoto de dous grados na escala Ritcher
Por Redacción
A terra volveu a tremer na provincia de Pontevedra. O Instituto Xeográfico Nacional informou dun pequeno terremoto que, durante a madrugada do pasado mércores, tivo o seu epicentro en Cuntis.
Segundo os datos oficiais, o tremor rexistrouse ás 4.34 horas da madrugada. Tivo unha magnitude de 2.0 graos na escala Ritcher e o seu epicentro estivo situado a 17 quilómetros de profundidade.
O terremoto, debido á súa baixa magnitude e a hora na que se produciu, apenas foi percibido pola poboación de Cuntis e das localidades próximas.
A actividade sísmica en Galicia repetiuse horas despois, ás 21.56 da noite, cun terremoto de 2.1 graos que tivo o seu epicentro en Ribeira.