Audasa acometerá obras na ponte de Rande para instalar novas varandas de seguridade
Por Redacción
Autopistas del Atlántico informou nun comunicado que iniciará este luns, 23 de setembro, os traballos para optimizar a seguridade da ponte de Rande para a súa operativa e mantemento.
Está prevista a instalación de novas varandas de seguridade na parte superior dos cabeceiros metálicos, nas pilas norte e sur da ponte.
Os traballos realizaranse de noite con maquinaria gran tonelaxe, baixo a supervisión e autorización da Dirección Xeral de Tráfico e a Dirección Xeral de Estradas.
Segundo explica Audasa, o operativo inclúe o desmonte das varandas actuais nos alicerces e a instalación das novas.
Así entre as 22.00 e as 06.00 horas do luns 23 ao martes 24 e ata as 6.00 horas do venres 27 produciranse desvíos de tráfico nos dous dos 6 carrís da ponte, quedando totalmente expeditos e a pleno rendemento os 6 carrís da ponte entre as 6.00 horas e as 22.00 horas durante todos os días do operativo.
"Os desvíos nocturnos serán comunicados pola Dirección Xeral de Tráfico a través dos paneis móbiles e da súa páxina web", conclúe Audasa.