O Concello confía en ter despregados composteiros por todo o rural cara finais de 2020
Por Alejandro Espiño
Primeiro foi Tomeza, onde xa se comezaron a entregar, e a partir de agora será a quenda de Salcedo e Campañó. A repartición dos composteiros individuais no rural é imparable e o Concello promete non afrouxar o ritmo.
A portavoz do goberno municipal, Anabel Gulías, estima que os preto de 8.000 composteiros adquiridos polo Concello estarán entregados en todas as parroquias cara finais de 2020.
Ao mesmo tempo, a edil avanzou que se intensificará a colocación de módulos comunitarios de compostaxe en diferentes ámbitos urbanos.
A intención do Concello é poder licitar o novo contrato de recollida de lixo e limpeza diaria no prazo máximo de dous anos e espera que dea á administración municipal "as mesmas alegrías" que o da auga.
Mentres tanto, avanzou a portavoz municipal, nos próximos meses sacarase a concurso o prego do contrato de limpeza das dependencias municipais.
Ademais, tamén se intensificará nos próximos días a recolleita porta a porta de vidro, cartón e papel dos locais comerciais da cidade, para reducir o volume de lixo que se acumula nas rúas de Pontevedra.
Relacionadas:
-
Activan as visitas para a instalación de composteiros individuais no rural pontevedrés
Por Redacción |
-
O novo contrato do lixo oscilará entre os 11 e os 13 millóns de euros anuais
Por Alejandro Espiño |
-
O PP advirte aos veciños receptores de composteiros da obrigación de notificalo a Facenda
Por Oskar Viéitez |
-
O Concello instala novos colectores no centro histórico
Por Redacción |
-
A metade das vivendas de Tomeza xa se sumou ao plan de compostaxe individual
Por Redacción |
-
Monográfico de Zero Waste sobre o Plan Revitaliza como "experiencia relevante na Unión Europea"
Por Redacción |
-
O plan de compostaxe individual desembarca en Tomeza, primeira parada para chegar a todo o rural
Por Redacción |
-
O despregamento de composteiros individuais no rural continuará por Salcedo
Por Alejandro Espiño |