Cuntis busca potenciar a "castañicultura"
Por Redacción
O Concello de Cuntis vén de finalizar o proxecto "Xestión integral para o aproveitamento sustentable dos soutos de castiñeiro".
O gran potencial que ten a castaña desde o punto de vista económico nas zonas rurais, unido á escasa profesionalización do sector fixeron que desde o Concello se tomase a iniciativa de poñer en marcha este proxecto.
Coa súa execución o Concello de Cuntis busca potenciar a "castañicultura" na zona, fixar estratexias que optimicen a súa rendibilidade, favorecer a profesionalización e diversificación do sector, así como mellorar a empregabilidade.
Nel leváronse a cabo 11 accións formativas de carácter teórico e práctico nas que participaron case 160 persoas. Todas as accións foron totalmente gratuítas e dirixidas a persoas desempregadas con especial incidencia naquelas persoas con dificultades para acceder ao mercado laboral.
Este proxecto enmarcado dentro do programa "Empleaverde" da Fundación Biodiversidade contou para a súa execución coa colaboración do Concello de Lubián en Zamora.
O Programa Empleaverde do Ministerio para a Transición Ecolóxica é a iniciativa da Fundación Biodiversidade para o impulso e a mellora do emprego, o emprendemento e o medio ambiente. Está cofinanciado polo Fondo Social Europeo no marco do Programa Operativo Emprego, Formación e Educación 2014-2020.
Relacionadas:
-
Cuntis anima á veciñanza a plantar castiñeiros como alternativa ao eucalipto
Por Redacción |
-
Cuntis incorpora a castaña á dieta diaria
Por Redacción |
-
Cuntis ofrece unha charla formativa ao redor da plantación de castiñeiros
Por Redacción |
-
Cuntis informa do tratamento contra o "cancro" dos castiñeiros
Por Redacción |
-
Unha plantación piloto probará en Cuntis o rendemento da castaña
Por Redacción |