Comezan as obras de reforma integral da rúa San Martiño
Por Alejandro Espiño
As obras de reforma urbana da rúa San Martiño xa están en marcha. Esta actuación, que tamén inclúe a rehabilitación do segundo tramo da rúa Eirado de Alvar Páez, comezou este mércores.
Os operarios da empresa Elsamex, que será a responsable de acometer esta reforma, xa se atopan actuando na zona.
As obras execútanse con cargo á área de rehabilitación integral (ARI) do centro histórico e foron adxudicadas por 138.303 euros. Teñen un prazo de execución de cinco meses.
A intervención na rúa San Martiño inclúe ademais do pavimentado en pedra, a renovación dos servizos e da iluminación.
Pola súa banda, as obras previstas no tramo final de Eirado de Alvar Paez e o seu entroncamento con San Martiño seguirá a estética da primeira fase, con chapacuña nos laterais da rúa e a pedra habitual da zona vella no espazo central.
Con estas dúas reformas, o Concello destaca que quedará completada a renovación da parte traseira do Campiño de Santa María.
Relacionadas:
-
Santa María estrea a renovada imaxe de San Martiño e a nova baixada cara o Parador
Por Alejandro Espiño & Cristina Saiz |
-
A ARI do centro histórico permitiu rehabilitar un cento de vivendas
Por Alejandro Espiño |
-
Fenosa resístese a retirar os cables das fachadas do centro histórico
Por Oskar Viéitez & Cristina Saiz |
-
A reforma de San Martiño e Alvar Páez interesa a dezasete empresas
Por Redacción |
-
Os fondos da ARI renovarán San Martiño e completarán Eirado de Alvar Páez
Por Alejandro Espiño |