Dúas persoas, feridas leves nun accidente en Cambados
Por Redacción
Un accidente de circulación acontecido na tarde do sábado en Cambados saldouse con dúas persoas feridas, de carácter leve.
O suceso tivo lugar ás 19:10 horas da tarde na estrada PO-550 ao seu paso por Castrelo, na coñecida como recta da Bouza.
Segundo relataron os servivios de emerxencia, o choque produciuse entre dous turismos, e como resultado da colisión dous ocupantes queixábanse de dor torácica e dor cervical.
Trátase de dous veciños de Cambados, de 79 e 25 anos de idade respectivamente, que foron derivados ao Hospital do Salnés polos profesionais do 061 desprazados ata o lugar.
Ademais, acudiron á chamada de alerta efectivos de Protección Civil e da Garda Civil de Tráfico.