O campus recibirá este curso 59 universitarios estranxeiros, a maioría de Brasil e México
Por Redacción
Brasil e México son os países de procedencia maioritarios do alumando estranxeiro que recibe o campus de Pontevedra da Universidade de Vigo neste curso 2019-2020. Durante este curso, chegarán aos tres campus da universidade 439 estudantes de intercambio, dos que 59 escolleron Pontevedra.
Por campus, o máis demandado polo alumnado estranxeiro é Vigo, onde cursarán os seus estudos 338 alumnos, mentres que Pontevedra foi a cidade escollida por 59 estudantes e Ourense ten confirmados 42.
En canto ao campus de Pontevedra, dez estudantes internacionais completarán todo o curso, mentres outros 47 estarán na cidade do Lérez no primeiro cuadrimestre e outros dous xa confirmaron a súa estadía para o segundo.
Ciencias Sociais e da Comunicación é o centro que máis alumnos foráneos acolle, 24, seguido de Ciencias da Actividade Física e do Deporte e de Belas Artes, con 15 en cada facultade.
En Pontevedra destaca a alta presenza de estudantes latinoamericanos, 25 dun total de 59, principalmente procedentes de Brasil e México.
Como vén sendo habitual, son os estudantes do programa de intercambio europeo Erasmus+ os maioritarios entre o alumnado de intercambio, aínda que hai cada vez máis mozos que chegan á Universidade de Vigo froito dun convenio bilateral con certas universidades. Outras opcións son o programa ISEP, Erasmus+ Prácticas ou os programas de visitante estranxeiro.
Relacionadas:
-
O campus de Pontevedra recupera a presenza internacional post covid con 49 estudantes estranxeiros
Por Redacción |
-
Alumnos procedentes de 11 países desafían á pandemia e trasladan os seus estudos ao campus de Pontevedra
Por Redacción |
-
A Deputación e a Universidade de Vigo renovan o convenio para complementar as bolsas do programa Erasmus+
Por Oskar Viéitez |