Alumnos do Froebel limpan de residuos a desembocadura do Lérez
Por Oskar Viéitez
Un grupo de alumnos de cuarto de Primaria do Colexio Froebel participaron este luns nunha xornada de recollida de residuos en augas do río Lérez.
Foi unha iniciativa organizada pola ONG "Coge3" e coordinada por Óscar García que contou coa axuda do campión galego de surf, Milo Castelo, da escola Mission.
Subidos a táboas de pádel surf os mozos recolleron todo tipo de residuos na zona de As Corbaceiras.
Esta ONG ambiental foi creada para, a través da educación, regular o uso do plástico que contamina o mar e as praias .
Ademais de divertirse, na xornada deste luns, os alumnos do Froebel aprenderon que unha das maneiras de protexer o noso planeta e de minorar o impacto negativo que o ser humano ten sobre el, é o uso adecuado dos materiais orgánicos e inorgánicos, empezando por clasificar adecuadamente os residuos sólidos do fogar e a escola.