Papá Noel, un carrusel e un tren alegrarán o Nadal dos marinenses
Por Redacción
A tempada do Nadal está ao virar a esquina e no Concello de Marín traballan xa na organización de actividades que dinamicen o consumo na vila. As concelleiras Marián Sanmartín e Cristina Acuña reuníronse este xoves co xerente da asociación de comerciantes Estrela de Marín, Yonathan Carreira, para coordinar iniciativas que atraian ao maior número de clientes.
Unha das conclusións sacadas deste primeiro encontro céntranse en que a Alameda volverá contar cun carrusel e que o tren do Nadal volverá percorrer as rúas do centro da vila mariñeira cheo de alumnos dos centros educativos durante o mes de decembro.
Así mesmo, Concello e comerciantes coordinarán de forma conxunta a recepción de Papá Noel, que volverá na Alameda para visitar os centros educativos de Marín como leva facendo nos últimos anos.
Sobre o resto de actividades, o goberno local atópase agora inmerso en plena organización para poder ofrecer unhas festas nas que individuos de todas as idades dispoñan de eventos de entretemento interesantes, especialmente os máis pequenos da casa, que esperan durante todo o ano a chegada destas datas.
Relacionadas:
-
Marín axita os ánimos do Nadal con mercadillos, música e a chegada de Papá Noel
Por Redacción |
-
O Concello de Marín reparte 2.500 euros entre as oenegués para que os seus usuarios celebren o Nadal
Por Redacción |
-
O Nadal de Marín acenderase o 5 de decembro e chega cargado de actividades lúdicas para menores
Por Redacción |
-
A alameda de Marín volverá contar co mercado de Nadal das ANPAS
Por Redacción |
-
Marín lembra aos propietarios de panteóns a obrigación de mantelos en bo estado
Por Redacción |
-
Marín celebrará o Día contra a Violencia de Xénero nos centros escolares
Por Redacción |
-
Queren crear un espazo de novas tecnoloxías para adolescentes no local do antigo Liceo Casino
Por Redacción |
-
Sanxenxo adianta a novembro o encendido de Nadal e aumenta o gasto en alumeado
Por Redacción |