Investigadores da Universidade, institucións e empresas conflúen no Campus Crea
Por Redacción
30 investigadores e representantes de 15 institucións e de empresas participaron nun encontro este venres na Casa das Campás, a Vicerreitoría do campus, con catro mesas sobre o proxecto de especialización do campus: saúde e deporte, medio ambiente, arte, moda e comunicación, e educación e xestión pública.
O Concello de Pontevedra, os clústeres de alimentación e saúde de Galicia, a Fundación Deporte Galego, empresas como Pescamar e Revertia ou o Grupo de Acción Costeira Ría de Pontevedra participaban desta iniciativa que busca establecer unha relación entre investigadores e o tecido empresarial e social.
O encontro desenvolveuse baixo o título de 'Innovar desde a sustentabilidade no Campus Crea', promovido pola Vicerreitoría de Transferencia en coalición coa Vicerreitoría do campus.
A proposta centrouse en poñer a disposición da sociedade e do sector empresarial aqueles coñecementos que se poidan xerar desde as investigacións que se realizan desde a Universidade, segundo relataba a vicerreitora María Consuelo Pérez ao DUVI.
Jorge Soto, vicerreitor do campus pontevedrés, afirmaba que entre a comunidade universitaria hai moitas ganas de que o campus saia das aulas. Durante esta cita profundizouse nas diferentes vías de colaboración entre a universidade e as empresas, como proxectos e contratos de I+D, licenzas ou acordos de transferencia tecnolóxica coa intención de que se executen proxectos concretos.
Entre os asistentes, atopábanse o tenente de alcalde e concelleiro de Deportes, Tino Fernández, e o concelleiro de Urbanismo, Xaquín Moreda.
Relacionadas:
-
Colaboración entre a Universidade de Vigo e AJE para impulsar proxectos de economía social
Por Redacción |
-
O campus de Pontevedra presume de boa saúde e supera os 4.000 alumnos
Por Redacción |
-
As titulacións do campus contan cunha taxa de ocupación de máis do 96%
Por Redacción |
-
O proxecto Green Campus define a súa folla de ruta para este curso
Por Redacción |
-
Unha aplicación do teléfono móbil permitirá identificar as árbores do campus
Por Oskar Viéitez |