Vaipolorío retira árbores caídas do sendeiro rural do Gafos
Por Redacción
Vaipolorío organizou este sábado unha nova xornada de limpeza no Gafos aínda que, nesta ocasión, non foi lixo e residuos o que os voluntarios desta asociación ambiental sacaron do leito do río.
O obxectivo desta nova acción era retirar árbores caídas sobre o sendeiro que hai no tramo rural do río, entre a estación de autobuses e Bértola.
Varias persoas, motoserra en man, foron os encargados de cortar as árbores caídas para posteriormente poder retirar a madeira do camiño.
Con esta iniciativa Vaipolorío pretendía facer practicable o sendeiro na súa totalidade e facilitar o paseo dos usuarios, minimizando os efectos que se rexistran durante a época de choivas no outono e no inverno con inundacións debido á crecida do río.
Relacionadas:
-
Retiran máis de 422 quilos de residuos da praia da Lanzada
Por Redacción |
-
Vaipolorío denuncia a recorrente vertedura ao río Gafos en Tomeza
Por Oskar Viéitez |
-
Vaipolorío alerta dunha nova vertedura na parroquia de Tomeza
Por Redacción |
-
Vaipolorío pide voluntarios para limpar de árbores caídas o río Tomeza
Por Oskar Viéitez |
-
Primeiro paso para o proxecto de destapar o Gafos: encargado o estudo de viabilidade
Por Redacción |
-
Retiran un centenar de quilos de lixo do Gafos nunha nova xornada de limpeza
Por Redacción |