Falece unha muller de 39 anos nun accidente de tráfico en Ponte Caldelas
Por Redacción
Unha muller de 39 anos, veciña do municipio de Soutomaior, falecía nun accidente de circulación que se rexistraba na tarde deste sábado 2 na estrada PO-255, no quilómetro 2,200, á altura do Concello de Ponte Caldelas, a dous quilómetros de Caritel.
Ao redor das 15.10 horas producíase a colisión frontal entre dous turismos provocando a morte da muller mentres que o condutor do outro vehículo, segundo a Garda Civil de Tráfico, resultaba ferido de gravidade e foi trasladado a un centro hospitalario. Trátase dun veciño de Ponte Caldelas, de 85 anos.
Desde o servizo de emerxencias alertábase aos bombeiros do Parque de Pontevedra e do Morrazo, ademais de solicitar a colaboración da Garda Civil de Tráfico e dos servizos sanitarios. Foi necesaria a utilización de material para excarcerar os ocupantes dos turismos implicados neste accidente.
Relacionadas:
-
Tráfico pretende rebaixar á metade o número de vítimas mortais nas estradas provinciais, que en 2019 xa ascende a 22
Por Cristina Saiz & Anxo Lourido |
-
Accidente en Avenida da Porteliña provocado por un condutor novel que deu positivo na proba de alcoholemia
Por Redacción |
-
Catro feridos en dous accidentes case simultáneos en Cuntis
Por Redacción |