Unha pantalla en Campolongo ofrecerá información meteorolóxica en tempo real
Por Redacción
A estación meteorolóxica de Campolongo amplía a información que ofrece á cidadanía a través do servizo de Meteogalicia. Será a través dunha pantalla LED que xa está instalada e que ofrecerá datos en tempo real sobre as condicións climáticas da cidade.
Esta nova ferramenta ofrece datos meteorolóxicos como o tempo, o solpor, as lúas ou a calidade do aire, todos ofrecidos pola propia estación meteorolóxica.
A calidade do aire, a información máis novidosa que ofrecerá esta pantalla, mostrará os datos de partículas PM10, NO2 (dióxido de nitróxeno), SO2 (dióxido de xofre), CO (monóxido de carbono) e ozono, entre outros datos.
A pantalla foi instalada grazas á colaboración do Concello coa Dirección Xeral de Calidade Ambiental da Xunta de Galicia e, segundo destaca o goberno municipal, vai na liña da campaña Efecto PO2 que unirá a acción climática de goberno nos vindeiros catro anos
O Concello colaborou coa ampliación do proxecto de Campolongo executando toda a obra civil, coa canalización e cimentación para a posterior colocación do mastro e da pantalla.
Relacionadas:
-
A calidade do aire de Pontevedra "roza case a excelencia" a pesar dos cambios de criterios da OMS
Por Natalia Puga |
-
Nenos e nenas de Pontevedra reclaman na Alameda "menos CO2 e máis PO2"
Por Redacción & Cristina Saiz |
-
Pontevedra lanza un libro coa receita da transformación da súa mobilidade
Por Manu Otero |
-
Pontevedra probará medidores ambientais en Loureiro Crespo e O Castañal
Por Alejandro Espiño |
-
Monte Vivo creará un anel verde para protexer a cidade e os núcleos rurais
Por Alejandro Espiño |
-
O Observatorio Urbano fará un estudo actualizado do efecto do modelo de cidade na calidade do aire
Por Natalia Puga |