Pontevedra confía en alcanzar a 'débeda cero' antes de que remate o mandato
Por Alejandro Espiño
Ata os oito millóns de euros, 7.955.000 euros concretamente, baixará a débeda do Concello de Pontevedra ao 31 de decembro de 2019. Será o seu nivel máis baixo desde mediados da década dos 80, segundo avanzou este xoves o edil de Facenda, Raimundo González.
O goberno municipal destinará 4.263.000 euros, procedentes do superávit dos dous últimos exercicios e de diñeiro de adxudicacións á baixa, para reducir a débeda vida do Concello que, ata o momento, superaba os doce millóns.
O nivel de endebedamento municipal pasará a estar no 11,84% dos dereitos liquidados, unha débeda que González cualificou como "residual" para unha administración pública.
Esta amortización de débeda permitirá cancelar tres préstamos, asinados polo Concello nos anos 2009, 2014 e 2016, e parcialmente outro de 2015, que son actualmente os que tiñan un interese máis alto -entre un 0.84% e un 1.52%-.
O obxectivo do goberno municipal é poder alcanzar a 'débeda cero' antes de que termine o mandato, sempre que se manteña a decisión de destinar a metade do superávit de cada exercicio a investimentos e a outra metade a amortizar débeda.
"Se seguimos aplicando ese criterio é moi probable que cheguemos a esa débeda cero", explicou o concelleiro nacionalista.
ORZAMENTO DE 78 MILLÓNS
Raimundo González desvelou ademais que o orzamento municipal para 2020 ascenderá, segundo as primeiras estimacións, a un total de 78,2 millóns de euros.
As partidas máis cuantiosas volverán ser persoal (24,5 millóns) e gasto corrente (34,7 millóns), mentres que os investimentos crecerán ata os 13,1 millóns de euros, as transferencias a outras administracións serán de 5 millóns e as amortizacións e gastos financeiros supoñerán algo menos dun millón.
Relacionadas:
-
O Concello aumentará o gasto corrente en 2020 para contar con "servizos top"
Por Alejandro Espiño |
-
Pontevedra terá en 2020 un orzamento de 79,3 millóns: "Son excelentes", din BNG e PSOE
Por Alejandro Espiño & Cristina Saiz |
-
Ciudadanos esixe que se presenten "inmediatamente" os orzamentos para 2020
Por Redacción |
-
Duros reproches entre gobierno e oposición a conta da violencia machista
Por Alejandro Espiño & Cristina Saiz |
-
Taxas e impostos non subirán en 2020: Pontevedra conxélaos por sexto ano consecutivo
Por Alejandro Espiño |