Nova convocatoria de axudas para proxectos que xeren valor engadido no sector pesqueiro
Por Redacción
O Grupo de Acción Local do Sector Pesqueiro da Ría de Pontevedra ten aberta ata o 1 de marzo de 2020 unha nova convocatoria de axudas a proxectos que contribúan á dinamización económica dos municipios do seu ámbito territorial (Bueu, Marín, Pontevedra, Poio, Sanxenxo e Meaño), partindo dos recursos pesqueiros e da propia riqueza da ría e a súa contorna.
O financiamento que se canaliza a través da entidade provén da Consellería do Mar da Xunta de Galicia e do Fondo Europeo Marítimo e da Pesca.
A parte máis importante dos fondos está orientada ao financiamento de proxectos relacionados coa xeración de valor engadido ao produto pesqueiro, de xeito que os profesionais e as empresas do sector teñen unha moi boa oportunidade para sacar adiante iniciativas que impulsen a súa actividade económica.
Así mesmo, o sector pesqueiro tamén poderá promover unha mellor formación dos profesionais, así como a adaptación ás novas condicións do mercado dos produtos extraídos do mar.
Relacionadas:
-
Mozos e mozas de Pontevedra coñecen as saídas profesionais que ofrece o mar
Por Redacción |
-
Impulsan un centro hípico en Sanxenxo e un complexo de cabanas mariñeiras en Cabo Udra
Por Redacción |
-
Máis de 800 estudantes coñecen as saídas laborais do sector pesqueiro
Por Redacción |
-
Raxó acolle a presentación do proxecto 'Rías de vida'
Por Oskar Viéitez |
-
Dezasete mulleres e sete homes do sector pesqueiro fórmanse para crear proxectos de turismo mariñeiro
Por Redacción |