Peregrina Iglesias, nova 'socia' do club de centenarios de Pontevedra
Por Redacción
O selecto club dos centenarios, aquelas persoas que superaron os cen anos de idade, sumou esta semana un novo membro. Trátase de Peregrina Julia Iglesias González.
Esta muller, que durante a súa vida laboral foi profesora de bordado na cidade, celebrou o seu aniversario este mércores acompañado de varios dos seus familiares, entre eles sobriños e sobriños-netos.
O alcalde, Miguel Anxo Fernández Lores, acudiu a felicitala en nome de toda a corporación e entregarlle, como é costume, un ramo de flores.
Durante esta visita, Peregrina Iglesias demostrou o bo estado de saúde no que se atopa e o bo ánimo co que aínda afronta a vida.