O temporal e a preamar complican a circulación en Beiramar
Por Redacción
Moito coidado se, ao longo desta tarde, deben circular pola zona de Beiramar. A coincidencia do temporal, en plena alerta laranxa na costa, coa preamar xerou problemas na conexión entre Pontevedra e Marín.
A coñecida como autovía de Marín tivo que ser cortada parcialmente, xa que a auga asolagou por completo os dous carrís de circulación en sentido cara a Marín, os máis próximos á ría.
A subida da marea afectou tamén aos dous carrís cara a Pontevedra pero, polo momento, non foi necesario interromper o tráfico por eles, segundo confirma Tráfico.
Outra das zonas afectadas, como vén sendo habitual, é as inmediacións do porto das Corbaceiras, onde varios coches que estaban aparcados volveron a verse sorprendidos pola crecida da marea.
Ademais, o paso peonil e ciclista por baixo da ponte das Correntes, en Beiramar, tamén quedou inutilizado ao asolagarse por completo.
Estas crecidas afectaron tamén a Ponte Sampaio e, entre outros lugares, a auga asolagou a zona da Xunqueira ou áreas próximas ao colexio da parroquia.
Relacionadas:
-
Nelson obriga a cortar o tráfico na PO-11 por inundacións na estrada entre Pontevedra e Marín
Por Redacción | Creada e actualizada
-
Alertan de posibles desbordamentos do Lérez, o Umia e o Verdugo polo temporal
Por Redacción |
-
A marea engole, por segundo día consecutivo, outro coche no peirao de Corbaceiras
Por Manu Otero |
-
A marea volve sorprender os condutores que aparcan no peirao de Corbaceiras
Por Redacción |