A ría de Pontevedra será referencia en deportes náuticos en 2020
Por Oskar Viéitez
O calendario de competicións náuticas da Ría de Pontevedra para o ano 2020 sumará ás habituais citas deportivas o Campionato de Europa de Vela categoría 6 metros e en 2021 o Campionato do Mundo na mesma categoría.
No mes de marzo celebrarase o XXX Trofeo Princesa de Asturias en categoría optimist e a 6ª regata interclubs Ría de Pontevedra.
En maio terá lugar a 3ª regata Hotel Carlos I Silgar e en xuño o IV Pádel surf challenge.
Para o mes de agosto están previstas citas como o "Giris Surf Day" praia da Lanzada, o XLIII trofeo Princesa de Asturias de piragüismo.
En setembro terá lugar o V tríatlon Concello de Sanxenxo, o Campionato de Europa Motonáutica Endurence, a VI regata Rey Juan Carlos I, Master El Corte Inglés, o Rock&Long praia de Montalvo Surf, o Campionato de Europa de Vela na categoría 6 metros.
Finalmente no mes de decembro disputarase a VII A Lanzada Ocean Race.