Agora si, instalan a árbore "boa" na Ferrería
Por Oskar Viéitez
Xa está instalada na Praza da Ferrería a árbore de Nadal. Esta vez si, trátase da infraestrutura correcta, duns 20 metros de altura e subida a unha plataforma que permite acceder ao seu interior para poder facerse vistosas fotografías.
A empresa de Puente Genil, Porgesa, ultima estes días a instalación de toda a decoración luminosa, despois de que as malas condicións climatolóxicas da pasada semana impedisen traballar con seguridade.
Serán instalados nas rúas e prazas da Boa Vila 186 arcos, 167 farois, nove letreiros, dúas árbores e dúas bólas de catro metros cada unha. En conxunto suman preto dun millón de leds.
A instalación da árbore da Ferrería estivo supervisada por numerosos pontevedreses interesados en comprobar que a empresa cordobesa acertaba coa infraestrutura destinada para a emblemática praza. E é que deu para moitas bromas o erro da adxudicataria do contrato da iluminación festiva ao montar unha árbore de 12 metros que fora deseñado para Curros Enríquez.
O acendido oficial levarase a cabo o próximo 5 de decembro na Ferrería.
Relacionadas:
-
Unha árbore cónica de 20 metros de altura ilumina xa o Nadal 2019
Por Cristina Saiz & Redacción |
-
Catro árbores, dúas bólas xigantes e "máis luces": así será a iluminación do Nadal da Boa Vila
Por Diego Espiño |
-
O 15 de decembro os bombeiros abrirán o seu parque para axudar na loita contra a pobreza infantil
Por Redacción |
-
Piden que luces e adornos de Nadal cheguen aos barrios e ás parroquias
Por Alejandro Espiño |
-
Polo Nadal, volve Ponte Xogos, que este ano estreará presenza nos barrios e iluminación na tirolina
Por Natalia Puga |
-
Plantan por erro na Ferrería a árbore de Nadal de Curros Enríquez
Por Oskar Viéitez |