Ciudadanos esixe que se presenten "inmediatamente" os orzamentos para 2020
Por Redacción
O portavoz de Ciudadanos en Pontevedra, Goyo Revenga, expresou este martes a súa preocupación polo atraso que parece acumular a tramitación dos orzamentos municipais para 2020.
Revenga lembrou que o borrador das contas do pasado ano foi entregado á oposición en novembro e, nesta ocasión, "ninguén parece acordarse" que deben ser aprobados antes de que termine o ano.
"Canto tempo darannos aos grupos da oposición para estudalo e valorar se presentamos emendas? ", pregúntase o líder de Ciudadanos, que esixe a BNG e PSdeG-PSOE que presenten "inmediatamente" este borrador.
O portavoz municipal da formación laranxa apuntou que aínda que nacionalistas e socialistas teñan maioría absoluta para aprobar o orzamento de 2020 "non se poden saltar" as normas básicas da democracia "ignorando por completo" á oposición e á cidadanía na súa tramitación.
A oposición, engadiu Revenga, "ten dereito a saber en que se vai a gastar o diñeiro" e reiterou que os prazos "apreman" ante a cantidade de datas festivas que hai este mes.
A este respecto, o dirixente de Ciudadanos ironiza con que, tras as negociacións que o goberno municipal emprendeu desde hai semanas, igual o que ocorre é que "non se puxeron de acordo en como distribuír o diñeiro dos pontevedreses".
Relacionadas:
-
Pontevedra terá en 2020 un orzamento de 79,3 millóns: "Son excelentes", din BNG e PSOE
Por Alejandro Espiño & Cristina Saiz |
-
Pontevedra confía en alcanzar a 'débeda cero' antes de que remate o mandato
Por Alejandro Espiño |
-
Taxas e impostos non subirán en 2020: Pontevedra conxélaos por sexto ano consecutivo
Por Alejandro Espiño |