Os populares reúnense en Campolongo diante do monumento á Carta Magna
Por Oskar Viéitez & Diego Torrado
Varios membros do Partido Popular déronse cita neste Día da Constitución ante o monumento á Carta Magna situado no barrio pontevedrés de Campolongo.
Entre outros cargos representativos asistiron a concelleira Pepa Pardo, a senadora Pilar Rojo, a deputada e alcaldesa de Marín, María Ramallo ou o deputado autonómico Jacobo Moreira.
Pardo asegurou que hoxe en día "é máis necesario que nunca reivindicar o seu legado e o espírito de concordia do 78".
Pola súa banda, Pilar Rojo definiu á Constitución como o "faro da nosa democracia" e para María Ramallo "é sinónimo de liberdade, progreso e benestar".