Sanxenxo derrubará un edificio en ruínas ante a inacción dos seus propietarios
Por Oskar Viéitez
O Concello de Sanxenxo procederá á demolición do edificio de Muebles Alonso na rúa Progreso "canto antes".
Segundo informaron desde o Concello este edificio está situado no número 49-A de esta rúa facendo esquina coa rúa Consistorio e foi declarado en ruína polos servizos municipais de urbanismo. Trátase dun inmoble de 2 plantas cunha superficie de 303 metros cadrados e unha altura de 7,70 metros.
Debido ao seu estado hai xa meses que se requiriu aos propietarios para que procedesen á súa demolición, "pero como estes non fixeron nada", o Concello decidiu asumir a execución subsidiaria da demolición, "cuxos custos posteriormente serán abonados pola familia", explicaron fontes municipais.
O proxecto de demolición está valorado en 43.709 euros, a este orzamento hai que engadir os custos da redacción do proxecto de demolición, máis a dirección e a coordinación das obras que xa se contrataron.
A intención da concelleira de infraestruturas, María Deza, é que a demolición se poida iniciar ben a próxima semana ou a seguinte, unha circunstancia que vai depender das obras da rúa Progreso.
Relacionadas:
-
O TSXG confirma que os donos do edificio de Muebles Alonso deberán pagar 50.000 euros ao Concello
Por Redacción |
-
Os propietarios dun edificio derrubado en 2020 deben pagar ao Concello de Sanxenxo o que lle custou tiralo
Por Redacción |
-
O edificio de Muebles Alonso xa é historia en Sanxenxo
Por Redacción |
-
As obras da rúa Progreso avanzan a pesar do mal tempo
Por Redacción |